حیدرآباد 9.ڈسمبر (پی ایم آئی) حیدرآباد میں ’کالر عمران‘ گرفتارحیدرآباد:پولیس نے منگل کے روز پرانے شہر کے علاقے کالا پتھر سے محمد عمران المعروف ’کالر عمران‘ کو گرفتار کر لیا۔ عمران مختلف مواقع پر اے آئی ایم آئی ایم (AIMIM) کے رہنماؤں اور کچھ دائیں بازو کے گروپوں کے لیڈروں کے خلاف مبینہ طور پر توہین آمیز اور غیر شائستہ فون کالز کرنے کے الزامات کی وجہ سے بدنام ہے۔
پولیس کے مطابق عمران کو اس سے پہلے بھی کئی بار اسی نوعیت کے معاملات میں گرفتار کیا جاچکا ہے، اور اسی وجہ سے کالا پتھر پولیس اسٹیشن میں اس کے خلاف ایک راؤڈی شیٹ کھلی ہوئی ہے۔ پولیس ٹیم نے اسے پیر کی رات حراست میں لیا اور تفتیش کے لیے تھانے منتقل کیا۔کالا پتھر پولیس کا کہنا ہے کہ عمران کے خلاف تین نان بیلیبل وارنٹس (NBWs) زیر التوا ہیں، جو کالا پتھر، کلثوم پورہ اور بہادر پورہ پولیس اسٹیشنوں میں درج ہیں۔ اسے جلد ہی متعلقہ عدالت میں پیش کیا جائے گا۔
ادھر عمران کے اہلِ خانہ نے الزام لگایا ہے کہ پولیس نے تھانے میں اس کے ساتھ بدسلوکی کی، تاہم پولیس نے ان الزامات کی تردید کی ہے۔گزشتہ سال عاصف نگر پولیس نے عمران کے خلاف AIMIM کے نامپلی ایم ایل اے محمد ماجد حسین کے خلاف توہین آمیز ریمارکس کرنے پر مقدمہ درج کیا تھا۔ بتایا جاتا ہے کہ عمران نے ایک پولیس افسر کو اس وقت فون کیا تھا جب ماجد حسین، ان کے حامیوں اور کانگریس لیڈر فیروز خان کے درمیان عاصف نگر پولیس اسٹیشن کے قریب جھڑپ ہوئی تھی۔
