Balapur Ganesh Shobha Yatra Proceeds Peacefully; Laddu Auction Creates New Record
حیدرآباد، 6 ستمبر (شوکت-پی ایم آئی): مشہور بالاپور گنیش شو بھا یاترا حیدرآباد میں پُرامن انداز میں جاری ہے۔ ہزاروں عقیدت مندوں کی موجودگی میں گنیش کا بت عابڈس اور لبرٹی چوراہے سے ہوتے ہوئے ٹینک بنڈ پہنچ گیا۔
جلوس کے پُرسکون اور منظم انعقاد کے لئے ساؤتھ زون ڈی سی پی سنیہا میہرا، آئی پی ایس نے راست طور پر انتظامات کی نگرانی کی۔
ادھر، ہر سال کی طرح اس بار بھی سب کی نظریں بالاپور گنیش لڈو نیلامی پر مرکوز تھیں، جہاں نیلامی نے اس بار نیا ریکارڈ قائم کیا۔ لنگالا داشرت گوڑ نے عقیدت کے ساتھ 35 لاکھ روپے کی بولی لگا کر لڈو حاصل کیا۔ گزشتہ سال یہ لڈو 30.01 لاکھ روپے میں نیلام ہوا تھا۔
بالاپور لڈو کی اہمیت
1994 میں محض 450 روپے کی بولی سے شروع ہونے والی یہ روایت آج ایک عظیم ثقافتی اور روحانی علامت بن چکی ہے۔ اس لڈو کی نیلامی نہ صرف عقیدت کی علامت ہے بلکہ سماجی خدمات، ترقیاتی کاموں اور مندر کی ضروریات پر بھی صرف کی جاتی ہے۔
اس سال کی ریکارڈ ساز نیلامی نے ایک بار پھر واضح کیا ہے کہ بالاپور لڈو حیدرآباد کے گنیش تہوار کا سب سے زیادہ اہم اور انتظار کیا جانے والا حصہ ہے۔
(: پریس میڈیا آف انڈیا)
