Asaduddin Owaisi M P on Waqf Amendment Bill 2024
چندر ا بابو نائیڈو و تروپتی دیواستھانم سے غیرہندوملازمین کو ہٹانا چاہتے ہیں۔ وہ غیرمسلموں کو مسلم وقف بورڈ کا رکن کیوں بننے دے رہے ہیں؟
حیدرآباد ۲۹ زارچ (پی ایم آئی) مودی حکومت کی جانب سہ لائے جا نے والے وقف تر ممی بل کی ملک بھر میں مخالفت کا سلسلہ جاری ہے اس ضمن میں مسلمانوں کی بے باک قیادت بیریسٹر اسد الدین اویسی ایم پی نے جہاں بی جے پی کو آڑے ہاتھ لیا ہے وہیں نتیش کمار، چندرا بابو نائیڈو، چراغ پاسوان اورجینت چودھری کو بھی نہیں بخشا ۔ساتھ ہی تلگو دیشم کے سربراہ چندر بابو نائیڈو سے سوال کیا کے وہ و تروپتی دیواستھانم سے غیرہندوملازمین کو ہٹانا چاہتے ہیں۔ وہ غیرمسلموں کو مسلم وقف بورڈ کا رکن کیوں بننے دے رہے ہیں؟
واضح رہے کے وقف ترمیمی بل 2024 (وقف امینڈمینٹ بل) پراحتجاج کم ہونے کا نام نہیں لے رہا ہے۔ تمام اپوزیشن پارٹیاں اس بل سے متعلق اپنا احتجاج درج کرا رہی ہیں۔ آل انڈیا مجلس اتحاد المسلمین (اے آئی ایم آئی ایم) کے صدراسدالدین اویسی نے اس سے متعلق بی جے پی حکومت کی نیت کو بھانپ لیا ہے۔ ۔ انہوں نے الزام لگایا کہ یہ بل ”مسلمانوں پرسیدھا حملہ“ ہے اوراس کے ذریعہ ان کی جائیداد چھین لی جائیں گی۔ واضح رہے کہ حال ہی میں وزیرداخلہ امت شاہ نے واضح کیا کہ وقف ترمیمی بل کو موجودہ سیشن میں پھرسے پیش کیا جائے گا۔ مطلب امکان ہے کہ عیدالفطر کے بعد اسے پارلیمنٹ میں پیش کیا جائے گا
آل انڈیا مجلس اتحادالمسلمین (اے آئی ایم آئی ایم) کے سربراہ اسدالدین اویسی نے بی جے پی کو نشا نہ بنا تے ہوئے کہا کہ اس پارٹی کے پاس لوک سبھا میں اکثریت نہیں ہے۔ یہ حکومت خود ہی بیساکھی کے سہارے پر چل رہی ہے۔ نریندر مودی وزیراعظم ہیں کیونکہ وہ نتیش کمار، چندرا بابو نائیڈو، چراغ پاسوان اورجینت چودھری کی بیساکھی پرمنحصرہے۔ اگریہ چارپارٹیاں اس غیرآئینی بل کی حمایت نہیں کرتی ہیں تو یہ بل قانون نہیں بن پائے گا۔
اویسی نے الزام لگایا کہ اس بل کے تحت ڈی ایم کو یہ اختیارمل جائے گا کہ وہ کسی جائیداد کو وقف جائیداد ماننے سے انکارکرسکتا ہے۔ اس سے مسلمانوں کا اس جائیداد پر دعویٰ ختم ہوجائے گا۔ اویسی کے علاوہ بھی تمام اسلامی تنظیم اس بل سے متعلق اپنا احتجاج درج کرا چکے ہیں۔ دوسری طرف، بی جے پی اس بل سے متعلق اپوزیشن پرخوف پھیلانے کا الزام لگا رہی ہے۔(پر یس میڈیا آف انڈیا)
