حیدرآباد ۹ اگست(پی ایم آئی) حیدرآباد سٹی پولیس کمشنر مسٹر وی۔ سی۔ سجنار، آئی پی ایس نے اتوار کے روز آشاڑھ بونالو تہوار کے موقع پر لال دروازہ سری سنگھواہنی مہانکالی مندر میں کیے گئے حفاظتی انتظامات کا معائنہ کیا۔ معائنے کے بعد انہوں نے مندر میں خصوصی پوجا بھی کی۔اس موقع پر پولیس کمشنر نے کہا کہ بونالو تہوار کے پیش نظر مندر اور اس کے اطراف 48 گھنٹوں کے لیے سخت حفاظتی انتظامات کیے گئے ہیں۔
انہوں نے کہا کہ عقیدت مندوں کے تعاون سے تہوار کی تقریبات پُرامن طور پر جاری ہیں اور کسی قسم کی دشواری پیش نہیں آ رہی۔کمشنر نے بتایا کہ امن و امان برقرار رکھنے کے لیے جدید مصنوعی ذہانت (AI) ٹیکنالوجی کا استعمال کیا جا رہا ہے۔ اے آئی سے لیس کیمروں کے ذریعے مسلسل نگرانی کی جا رہی ہے تاکہ جیب کتروں، چوروں اور چین اسنیچنگ میں ملوث افراد کی فوری طور پر نشاندہی کی جا سکے۔انہوں نے بتایا کہ بندوبست کے لیے 2,400 پولیس اہلکاروں کو دو شفٹوں میں تعینات کیا گیا ہے۔
اس کے علاوہ عقیدت مندوں کی حفاظت کو یقینی بنانے کے لیے SHE ٹیموں، کرائم ٹیموں اور مختلف مندروں پر اسٹیٹک پکٹس کو بھی تعینات کیا گیا ہے۔پولیس کمشنر نے مزید بتایا کہ مندر کے احاطے کے ساتھ ساتھ جلوس کے راستوں پر ڈرونز اور اضافی سی سی کیمرے نصب کیے گئے ہیں۔
سکیورٹی کی مرکزی نگرانی کے لیے یونین بینک، لال دروازہ کے قریب ایک خصوصی کنٹرول روم بھی قائم کیا گیا ہے۔
معائنے کے موقع پر ایڈیشنل کمشنر آف پولیس (کرائمز) مسٹر سرینواس، آئی پی ایس، ایڈیشنل کمشنر آف پولیس (لاء اینڈ آرڈر) مسٹر تفسیر اقبال، آئی پی ایس، جوائنٹ کمشنر آف پولیس (ٹریفک) مسٹر جوئل ڈیوس، آئی پی ایس، چارمینار زون ڈی سی پی مسٹر کھیر کرنپربھاکر، آئی پی ایس، ٹریفک ڈی سی پی مسٹر راہول ہیگڈے، CAR ہیڈکوارٹرز ڈی سی پی مسٹر آر۔ وینکٹیشورلو، ڈی سی پیز مسٹر سرینواس اور محترمہ لاونیا سمیت دیگر اعلیٰ پولیس افسران موجود تھے۔(PRESSMEDIAOFINDIA.COM)
