محترمہ مادھوی لتانے مسلم راشٹریہ منچ کے وفد کو اقلیتوں کی فلاح و بہبود، سماجی ترقی اور تلنگانہ میں تنظیمی استحکام کے لیے اپنے مکمل تعاون اور حمایت کا یقین دلایا۔
حیدرآباد، 5 نومبر (PMI): حیدرآباد سے بی جے پی کی سابق لوک سبھا امیدوار محترمہ مادھوی لتانے مسلم راشٹریہ منچ (MRM) کے وفد کو اقلیتوں کی فلاح و بہبود، سماجی ترقی اور تلنگانہ میں تنظیم کو مزید مستحکم بنانے کے لیے اپنے مکمل تعاون اور حمایت کا یقین دلایا۔
مسلم راشٹریہ منچ (MRM) کے ایک وفد نے حیدرآباد سے بی جے پی کی سابق لوک سبھا امیدوار محترمہ مادھوی لتاسے ملاقات کی اور موجودہ حالات سمیت اقلیتوں سے متعلق مختلف اہم مسائل پر خوشگوار اور مفید تبادلہ خیال کیا۔
قومی کنوینر اور جنوبی ہند کے انچارج جناب الیاس احمد کی ہدایت پر مسلم راشٹریہ منچ کے وفد نے مادھوی لتاجی سے ملاقات کرتے ہوئے مختلف امور پر تعمیری گفتگو کی۔
اس ملاقات میں بنیادی طور پر تلنگانہ میں اقلیتوں کو درپیش مختلف مسائل، کمیونٹی کی فلاح و بہبود اور سماجی ترقی سے متعلق امور پر تبادلہ خیال کیا گیا۔ اس موقع پر مادھوی لتاجی نے مسلم راشٹریہ منچ کی ترقی اور تنظیمی استحکام کے لیے وفد کو اپنے مکمل تعاون اور حمایت کا یقین دلایا۔
اس ملاقات کے دوران تلنگانہ میں اقلیتوں سے متعلق اہم مسائل پر خیالات کے تبادلے، درپیش مشکلات کے جائزے اور مختلف تجاویز پیش کرنے کا بھی موقع ملا۔
وفد کے ارکان نے مسلم راشٹریہ منچ کے آئندہ پروگراموں کے حوالے سے بھی مادھوی لتاجی کے ساتھ تفصیلی گفتگو کی۔ اس دوران تنظیم کی ترقی، تنظیمی ڈھانچے کو مزید مضبوط بنانے اور مستقبل میں باہمی تعاون کے امکانات پر تبادلہ خیال کیا گیا۔
اس وفد کی قیادت تلنگانہ کنوینر اور سینئر صحافی نجف علی شوکت نے کی، جبکہ وفد میں کرناٹک ریجنل کنوینر محمد عباس، ریاستی شریک کنوینر سید سرور حسین، ڈاکٹر کلیشاہ شیخ، محمد ہاشم ملک، محترمہ عائشہ اور مسلم راشٹریہ منچ کے دیگر ارکان شامل تھے۔
(pressmediaofindia.com)
