سنگا رڈی۔8،مارچ(پی ایم آئی) تلنگانہ کےایک ضلع سنگا ریڈی میںواقع ایک گر لز ہاسٹل میں خفیہ کیمرے نصب ہونے کا سنسنی خیز انکشاف ہونے کےساتھ ہی طالبات میں شدید خوف و ہراس کے عالم میں دیکھا گیا۔امین پور پو لیس نےبلا تاخیر کار وائی کر تےہو ئے ہاسٹل کے وارڈن کو گرفتار کر لیا۔
پو لیس کے مطا بق یہ واقعہ اس وقت سامنے آیا جب ہاسٹل میں مقیم ایک خاتون کو موبائل چارجر میں چھپا ہوا کیمرہ ملا۔ اس انکشاف کے بعد جب مزید چھان بین کی گئی تو ہاسٹل کے دیگر مقامات پر بھی خفیہ کیمروں کی موجودگی کا شبہ پیدا ہو گیا۔ امین پور پولیس نے بتا یا کے، بنڈارو پرمیشور نامی شخص امین پور کے مائیتری ولاز میں یہ ہاسٹل چلا رہا تھا۔
ہاسٹل طالبات نے فوری طور پر پولیس کو اطلاع دی، جس پر کارروائی کرتے ہوئے پولیس نے ملزم کو حراست میں لے لیا۔ دورانِ تفتیش پولیس نے چارجر کیمرے میں چِپ برآمد کی، جس کے بعد ہاسٹل کی مکمل تلاشی کا آغاز کر دیا گیا۔ خاص طور پر پولیس نے واش رومز اور دیگر حساس مقامات کی باریک بینی سے جانچ شروع کر دی تاکہ مزید خفیہ کیمروں کا پتہ لگایا جا سکے۔
پولیس برآمد شدہ کیمروں میں موجود ویڈیوز کی بھی جانچ کر رہی ہے تاکہ معلوم ہو سکے کہ کیا یہ ریکارڈنگز کسی اور کو بھیجی گئی یا نہیں۔یہ واقعہ سا منے آنے گہری تشویش کا اظہار کر تے ہوئےطالبات نے سخت احتجاج اور ملزم کے خلاف سخت قانونی کارروائی کی مانگ کی۔تا کہ مستقبل میں ایسے واقعات کا اعادہ نہ ہو۔پو لیس امین پور اس غیر اخلاقی حرکت کی تحقیقات کر رہی ہےشبہ کیا جا رہا ہے کے اس کیس میں مزید انکشا فات ہو سکتے ہیں۔(PMI)
