پریاگ راج:22فروری– سابق وزیر اعلی و سماج وادی پارٹی(ایس پی) سربراہ اکھلیش یادو نے منگل کو کہا کہ یہ الیکشن اترپردیش کی قسمت بدلنے کے ساتھ ساتھ جمہوریت کو بچانے کا ہے شہر سے30کلو میٹر دور جمناکے اس پار کرچھنا اسمبلی حلقے میں ایک عوامی ریلی سے خطاب کرتے ہوئے انہوں نے کہا کہ’ایس پی نے جو انتخابی منشور جاری کیا ہے حکومت بننے پر اسے نافذ کرنے کا کام کریں گے جب سے بی جے پی کی حکومت اقتدار میں آئی ہے اس نے بے روزگار اور مہنگائی کو بڑھاوا دیا ہے۔
انہوں نے کہا کہ’بی جے پی کے چھوٹے لیڈر چھوٹا جھوٹ بولتے ہیں اور بڑے لیڈر بڑا جھوٹ بولتے ہیں اور جو سب سے بڑا ہے وہ عوام سے سب سےبڑا جھوٹ بول رہے ہیں۔ریلی میں آئے بی ایڈ اور ٹی ای ٹی امتحان کے امیدواروں کی جانب رخ کرتے ہوئے ایس پی سربراہ نے کہا’ آپ ہی بتائیے کہ امتحانات منسوخ ہوئے کہ نہیں ہوئے۔ پیپر افشاں ہوا کہی نہیں ہوا؟۔آپ کو پریشانیوں کا سامنا کرنا پڑا کہ نہیں؟
انہوں نے کہا کہ شکچھا متروں کی مدد کرنا اور محکمہ تعلیمات میں خالی اسامیوں کو بھرنے کا ایس پی وعدہ کرتی ہے۔ ایس پی کی حکومت بننے پر خالی پڑے عہدوں کو بھر کر نوجوانوں کو نوکریاں دی جائیں گی۔انہوں نے کہا کہ بی جے پی حکومت میں وزیر اعلی اسکیمات کا نام بدل کر ترقی دکھاتے ہیں۔
انہوں نے یوگی کو ہدف تنقید بناتے ہوئے کہا کہ وہ گرمی نکالینے کی بات کرتے ہیں۔ اس بار جب ووٹ پڑے گا تو بابا کا بھاپ نکل جائے گا۔ ایس پی سربراہ نے کہا کہ یہاں موجود بھیڑ تبدیلی کی گواہ ہے۔ملحوظ رہے کہ ایس پی سربراہ کی ریلی میں پیدا ہوئی کچھ بدنظمی کی وجہ سے پولیس کو معمولی طاقت کا بھی استعمال کرنا پڑا۔
ملک کی سلامتی اور سالمیت کو ترقی دینے کے لیےوزیر اعظم نریندر مودی کے اقدام کی ستائش: جی کشن ریڈی
ہندوستان میں 22کروڑ سے زائد واٹس ایپ اکاؤنٹس پر پابندی
کا نگریس :حیدرآباد میں سپریم کورٹ کی بنچ قائم کرے گی: تلنگانہ کے لئے انتخابی منشورجاری
امیٹھی ۔۔گاندھی خاندان کے کھوئے ہوئے گڑھ کو دوبارہ حاصل کرنا کانگریش کے لئے چیلنج
’شترنج کی کچھ چا لیں ابھی باقی…‘‘: رائے بریلی سے راہل گاندھی کی امیدواری ’’اچھی حکمت عملی‘‘ جے رام رمیش