حیدرآباد، 31 جنوری (پی ایم آئی )یجوکیشن ٹوڈے میگزین کے ایڈیٹر ڈاکٹر ذیشان عباس نے معزز گورنر تلنگانہ شری وشنو دیو ورما جی سے ملاقات کی اور انہیں ایجوکیشن ٹوڈے ایڈمیشنز ایکسپو 2025 کی افتتاحی تقریب میں شرکت کی باضابطہ دعوت پیش کی۔
یہ عظیم الشان ایونٹ 7، 8 اور 9 فروری 2025 کو ایل بی اسٹیڈیم، حیدرآباد میں منعقد ہوگا۔ اس کا مقصد تعلیمی اداروں، طلبہ اور والدین کو ایک جگہ اکٹھا کرکے تعلیمی اور جسمانی صحت کے متعلق شعور اجاگر کرنا ہے۔
اس موقع پر ڈاکٹر ذیشان عباس نے ایکسپو کی اہمیت پر روشنی ڈالی اور بتایا کہ یہ ایونٹ طلبہ کو ان کے تعلیمی مستقبل کے حوالے سے بہتر رہنمائی فراہم کرے گا۔ معزز گورنر نے اس تعلیمی اقدام کو سراہتے ہوئے اس کے مثبت اثرات پر اطمینان کا اظہار کیا۔
اس ملاقات میں کئی معزز شخصیات بشمول ڈی سرینواس، جواد حسن، اور سید مسعود بھی موجود تھے، جنہوں نے بھی اس ایونٹ کی مکمل حمایت کا یقین دلایا۔
ایجوکیشن ٹوڈے ایڈمیشنز ایکسپو 2025 میں معروف تعلیمی ادارے، ماہرین تعلیم اور طلبہ کے لیے گرانقدر مواقع فراہم کرنے والے مختلف اسپیکرز شرکت کریں گے۔(PMI)
مزید تفصیلات کے لیے، براہ کرم رابطہ کریں:📞 +91 8688040335📧 support@admissionsexpo.com
