حیدر آباد لوک سبھا کی بی جے پی امیدوار کو گلے لگانے پر خاتون اے ایس آئی کو معطل
حیدرآباد، (پی ایم آئی) حیدرآباد کے پولیس کمشنر کے سری نواس ریڈی نے بی جے پی کی حیدرآباد لوک سبھا سیٹ کے امیدوار کے مادھوی لتھا کو گلے لگانے پر پولیس کے ایک اسسٹنٹ سب انسپکٹر (اے ایس آئی) کو معطل کردیا ہے۔سوشل میڈیا پر بڑے پیمانے پر گردش کرنے والے ایک ویڈیو میں، سیدآباد پولیس اسٹیشن کی اے ایس آئی اوما دیوی کو مادھوی لٹھا سے ہاتھ ملاتے اور گلے لگاتے دیکھا گیا۔ یونیفارم میں پولیس افسر اس وقت ڈیوٹی پر تھا جب بی جے پی لیڈر سیدآباد پولیس اسٹیشن کی حدود میں ایک علاقے میں انتخابی مہم چلا رہا تھا۔
پولیس کمشنر نے ماڈل کوڈ آف کنڈکٹ کی خلاف ورزی پر پولیس افسر کو معطل کر دیا۔مادھوی لتھا نے گزشتہ ہفتے رام نومی کے موقع پر نکالے گئے جلوس کے دوران ایک مسجد میں ایک خیالی تیر چلانے کے اپنے مبینہ اشتعال انگیز اشارے سے ایک تنازعہ کھڑا کر دیا تھا۔
