نئی دہلی :۱۰ مارچ (پی ایم آئی)صدر کل ہند مجلس اتحاد المسلمین و رکن پارلیمنٹ اسد الدین اویسی نےآئندہ لوک سبھا انتخابات سے پہلے الیکشن کمشنر ارون گوئل کے استعفیٰ پر کئی سوال اٹھائے ہیں۔اسد اویسی نےارون گوئل کے استعفیٰ پربراہ راست مر کزی حکومت کو نشانہ بنایا ہے۔انہوں نے الیکشن کمشنر ارون گوئل کے استعفیٰ پر سوال اٹھاتے ہوئے کہا کے یہ بہت حیرت کی بات ہے کہ جب الیکشن کمیشن آف انڈیا 13 مارچ کے بعد کسی بھی دن شیڈول کا اعلان کرنے والا ہے اور اس سے ٹھیک پہلے الیکشن کمشنر ارون گوئل نے استعفیٰ دے دیا ہے۔بیرسٹر اویسی نےکہا کہ میں نے پارلیمنٹ میں کہا تھا کہ حکومت سپریم کورٹ اور چیف الیکشن کمشنر اور الیکشن کمشنرز کی تقرری کے طریق کار تبدیل کرنا چاہتی ہے ۔انہوں نےکہا کےحکومت کو ارون گوئل کی استعفیٰ کی وجہ بتا نا چاہئے۔
