حیدرآباد،۳۰ نو مبر(پی ایم آئی): تلنگانہ اسمبلی کی 119 سیٹوں کے لیے پولنگ ختم ہونے کے ساتھ ہی پولسٹرس نے پیشین گوئی کی ہے کہ ریاستی انتخابات میں کانگریس واضح فاتح ہوگی۔ انتخابات میں روایتی حریف بی آر ایس اور کانگریس کے درمیان سخت مقابلہ دیکھنے میں آیا۔ کئی ایگزٹ پولس نے اشارہ دیا ہے کہ تلنگانہ انتخابات میں کانگریس کے سی آر کی قیادت والی بی آر ایس سے آگے ہے۔سیاسی ہیوی ویٹ – چیف منسٹر کے چندر شیکھر راؤ (کے سی آر)، ٹی پی سی سی سربراہ ریونتھ ریڈی، کے ٹی آر، بندی سنجے کمار، ایٹالہ راجندر اور ڈی اراوند کے علاوہ سبھی امید واروں کی قسمت کا فیصلہ 3 دسمبر کو ہوگا حکمران بی آر ایس نے اعتماد ظاہر کیا ہے کہ کے سی آر ہیٹ ٹرک اسکور کریں گے جبکہ کانگریس کو لگتا ہے کہ تلنگانہ اسمبلی انتخابات میں حکومت مخالف عنصر اس کے حق میں ہوگا۔
