واشنگٹن ’23 جون: وزیر اعظم نریندر مودی نے کہا ہے کہ کووڈ کے بعد کے دور میں عالمی معیشت ایک نئی شکل اختیار کر رہی ہے اور ایسے وقت میں ہندوستان اور امریکہ کے درمیان شراکت داری اور بھی بڑھ جاتی ہے۔
مسٹر مودی نے کہا کہ وائٹ ہاؤس میں ان کے اعزاز میں منعقدہ تقریب ہندوستان کے 140 کروڑ عوام کے لیے اعزاز اور فخر کی بات ہے۔ یہ امریکہ میں رہنے والے 40 لاکھ ہندوستانیوں کے لیے اعزاز کی بات ہے۔ وزیراعظم نے کہا کہ مجھے یقین ہے کہ ہمیشہ کی طرح آج بھی بات چیت صحت مند اور نتیجہ خیز ہوگی۔ آج سہ پہر کے بعد امریکی پارلیمنٹ سے خطاب کا دوسرا موقع ملے گا۔میں اور ہندوستان کے 140 کروڑ ہندوستانی ہندوستانی ترنگا اور امریکہ کے قومی پرچم کو مسلسل نئی بلندیوں کو چھوتے رہے۔ مسٹر مودی نے صدارتی محل میں ان کا پرتپاک استقبال اور مہمان نوازی کے لیے اپنی اور ہندوستان کے تمام شہریوں کی طرف سے شکریہ ادا کیا۔
امریکی صدر جو بائیڈن نے وزیراعظم نریندر مودی کی واشنگٹن آمد کے موقع پر کہا ہے کہ مذہبی آزادی ہندوستان اور امریکہ کے تعلقات کا ’بنیادی اصول‘ ہے۔
جمعرات کو وزیراعظم نریندر مودی کے وہائٹ ہاؤس آنے پر ان کا خیرمقدم کرتے ہوئے صدر جو بائیڈن نے کہا کہ ’قانون کی نظر میں سب کی برابری، اظہار رائے کی آزادی، مذہبی اجتماعیت اور مختلف اکائیوں کا امتزاج وہ اصول ہیں جو اب تک موجود ہیں اور ان میں تھوڑی تبدیلی بھی آئی ہے اور ان میں ہماری اقوام کی تاریخ میں چیلنجز کا بھی سامنا رہا ہے۔
صدر جو بائیڈن کا مزید کہنا تھا کہ ’میرا بہت عرصے سے یقین ہے کہ امریکہ اور ہندوستان کے تعلقات 21 ویں صدی کے اہم ترین رشتوں میں سے ایک ہیں۔‘ اس موقع پر انڈین وزیراعظم نریندر مودی کا کہنا تھا کہ ہندوستان اور امریکہ کے معاشرے ’جمہوری اقدار پر قائم ہیں۔‘ انہوں نے مزید کہا کہ ’دونوں ممالک کو اپنے تنوع پر فخر ہے اور ہم دونوں یہ سمجھتے ہیں کہ ہمارا بنیادی مقصد سب کے مفاد کے لیے اور سب کی فلاح و بہبود کے لیے کام کرنا ہے۔‘
امریکہ کا دورہ کرنے والے وزیراعظم مودی کے مطابق امریکہ اور ہندوستان دنیا کی بھلائی، دنیا میں امن قائم کرنے، استحکام اور خوشحالی لانے کے لیے ساتھ کام کرنے کے لیے پُرعزم ہیں۔ وزیراعظم مودی نے مزید کہا کہ ’ہماری مضبوط تزویراتی شراکت داری جمہوریت کی طاقت کا واضح ثبوت ہے۔‘ خیال رہے کہ وزیراعظم نریندر مودی چار روزہ دورے پر امریکہ میں موجود ہیں جہاں وہ کانگریس کے مشترکہ اجلاس سے بھی خطاب کریں گے۔
ویر اعظم مودی کا خیرمقدم کرتے ہوئے صدر بائیڈن نے کہا کہ ہندوستان-امریکہ کی شراکت داری 21ویں صدی کی واضح شراکت میں سے ایک ہے۔ انہوں نے کہا کہ دونوں ممالک آزادی سے محبت کرتے ہیں۔ دونوں ممالک کے آئین کا آغاز “ہم عوام” سے ہوتا ہے۔ اس موقع پر دونوں ممالک کے قومی ترانوں کی دھنیں بجائی گئیں۔قبل ازیں، وائٹ ہاؤس پہنچنے پر مسٹر مودی کا سرخ قالین بچھا کر پورے سرکاری اعزاز کے ساتھ استقبال کیا گیا۔ اس موقع پر نائب صدر کملا ہیرس، سکریٹری آف اسٹیٹ انٹونی بلنکن اور وائٹ ہاؤس کے سینئر حکام کے علاوہ واشنگٹن میں ہندوستان کے سفیر ترنجیت سنگھ سنگھو بھی موجود تھے۔
