حیدرآباد : تلنگانہ حکومت نے تعلیمی اداروں کے لئے گرمائی تعطیلات میں 15 جون تک توسیع کردی ہے۔ وزیر تعلیم سبیتا اندرا ریڈی نے اعلیٰ عہدیداروں کے ساتھ جائزہ اجلاس میں لاک ڈاؤن میں توسیع کے پیش نظر اسکولوں کی گرمائی تعطیلات میں 15 دن کی توسیع کی ہدایت دی ہے۔ ڈائرکٹر اسکول ایجوکیشن نے تمام ریجنل جوائنٹ ڈائرکٹرس اور ڈسٹرکٹ ایجوکیشنل آفیسرس کو ہدایت دی ہے کہ احکامات پر عمل آوری کو یقینی بنائیں۔ گرمائی تعطیلات میں توسیع کے احکامات کا اطلاق سرکاری اور خانگی اسکولوں کے علاوہ ڈائیٹ کالجس پر ہوگا۔ واضح رہے کہ حکومت نے لاک ڈاؤن کے نفاذ کے بعد 27 اپریل سے 31 مئی تک گرمائی تعطیلات کا اعلان کیا تھا۔ اب جبکہ حکومت نے لاک ڈاؤن میں 9 جون تک توسیع کی ہے لہذا تعلیمی اداروں کو مزید 15 دن کے لئے بند رکھنے کا فیصلہ کیا گیا ہے۔ کئی خانگی تعلیمی اداروں نے آن لائن کلاسیس کے شیڈول جاری کردیا تھا۔ لیکن حکومت کے تازہ احکامات کے تحت 15 جون کے بعد ہی آن لائن کلاسیس کا آغاز کرنا پڑے گا۔
ائمہ مساجد اور علماء کی جانب سے راج ٹھاکرے کے الزام کی شدید الفاظ میں تردید
اسد کا سا منا کر نا کوئی مذاق نہیں: لوک سبھا انتخابات میں مجلس اور کا نگریس کو ووٹ دینے ایس پی ایف کی اپیل
آندھرا پردیش میں لوک سبھا اور اسمبلی انتخابات ایک ساتھ 13مئی کو رائے دہی
تلنگانہ میں 3.17 کروڑ سے زیادہ رائے دہندگان اپنا حق رائے دہی استعمال کرنے کے اہل ہیں۔
مودی حکو مت میں:نہ تحفظات ختم ہو نگے نہ آئین بدلےگا’مسلم خواتین کو 3 طلاق پر قانون کے ذریعے حقوق ملے’ سید ابوبکر نقوی الیاس احمد –ایم آر ایم کا بیان