واشنگٹن: بیرون ملک میں مقیم ہندستان کے شہری او سی آئی کارڈ رکھنے والے ہندستانی برادری کے لوگوں کو اب ہندوستان جانے کے لئے اپنا پرانا پاسپورٹ لے جانے کی ضرورت نہیں ہے۔ ہندوستان کے سفارتخانے نے پیر کے روز مرکزی حکومت کی جانب سے اس سلسلے میں جاری نوٹیفکیشن کا حوالہ دیتے ہوئے کہا ہے کہ او سی آئی کارڈ کے ساتھ پرانا پاسپورٹ رکھنے کی لازمیت کو ختم کردیا گیا ہے۔ اس اعلان نے بیرون ملک میں مقیم ہندوستانیوں کی ایک بڑی تشویش دور کردی ہے۔ سفارتخانے نے کہا ، “اب سے پرانے پاسپورٹ نمبر والے موجودہ او سی آئی کارڈ کے سہارے سفر کرنے والے ایک او سی آئی کارڈ ہولڈر کو پرانا پاسپورٹ لے جانے ساتھ رکھنے کی ضرورت نہیں ہے ، لیکن نیا (موجودہ) پاسپورٹ رکھنا لازمی ہوگا۔” سفارتخانے نے بتایا کہ حکومت ہند نے 20 سال سے کم اور 50 سال سے زیادہ کی عمر والے کارڈ ہولڈرز کے لئے او سی آئی کارڈ کو دوبارہ جاری کرنے کی مدت اور بڑھا کر 31 دسمبر 2021 کرنے کا فیصلہ کیا ہے۔ سال 2005 سے نافذ او سی آئی کے رہنما اصولوں کے مطابق ، 20 سال سے کم اور 50 سال سے زیادہ کی عمر والے کارڈ ہولڈرز کو ہر بار نیا پاسپورٹ بنوانے پر اپنے کارڈ کو دوبارہ جاری کرنا ہوتا ہے۔
ائمہ مساجد اور علماء کی جانب سے راج ٹھاکرے کے الزام کی شدید الفاظ میں تردید
اسد کا سا منا کر نا کوئی مذاق نہیں: لوک سبھا انتخابات میں مجلس اور کا نگریس کو ووٹ دینے ایس پی ایف کی اپیل
آندھرا پردیش میں لوک سبھا اور اسمبلی انتخابات ایک ساتھ 13مئی کو رائے دہی
تلنگانہ میں 3.17 کروڑ سے زیادہ رائے دہندگان اپنا حق رائے دہی استعمال کرنے کے اہل ہیں۔
مودی حکو مت میں:نہ تحفظات ختم ہو نگے نہ آئین بدلےگا’مسلم خواتین کو 3 طلاق پر قانون کے ذریعے حقوق ملے’ سید ابوبکر نقوی الیاس احمد –ایم آر ایم کا بیان