حیدرآباد : وزیرداخلہ محمد محمود علی نے کہاکہ تلنگانہ کی حکومت اقلیتوں کی فلاح و بہبود کے عہد کی پابند ہے۔ چیف منسٹر کے سی آر ایک سیکولر اور اقلیت نواز قائد ہیں۔ اسمبلی حلقہ ناگر جنا ساگر کے ضمنی انتخاب میں پارٹی امیدوار این بھگت کمار کے پرچہ نامزدگی کے ادخال کے بعد منعقدہ اقلیتی اجلاس سے خطاب کرتے ہوئے انھوں نے کہاکہ تلنگانہ میں اقلیتوں کی فلاح و بہبود کے لئے متعارف کی گئی اسکیمات سارے ملک کے لئے مثالی ہیں۔ بالخصوص مسلمانوں کی تعلیمی پسماندگی کو دور کرنے اور مسابقتی دور میں دوسروں کے برابر ترقی کرنے کے لئے اقلیتی ریسیڈنشیل اسکولس قائم کئے گئے جہاں پر غریب مسلم طلبہ کو کارپوریٹ طرز کی مفت تعلیم، قیام و طعام کے انتظامات کئے گئے ہیں۔ شادی مبارک اسکیم متعارف کراتے ہوئے غریب والدین کے بوجھ کو کم کیا گیا۔ تمام اہلیتی امتحانات کی تربیت فراہم کرنے کے علاوہ بیرونی ممالک میں اعلیٰ تعلیم حاصل کرنے کے لئے اوورسیز اسکالرشپس فراہم کی جارہی ہے۔ محمد محمود علی نے کہاکہ ملک کا جائزہ لیا جائے تو تلنگانہ واحد ریاست ہے جہاں مسلمانوں کی فلاح و بہبود کے لئے بے شمار اقدامات کئے جارہے ہیں۔ چیف منسٹرکے سی آر ناگر جنا ساگر حلقہ کی ترقی کیلئے فکرمند ہیں۔ ٹی آر ایس کی اس حلقہ سے کامیابی پر یہ حلقہ ساری ریاست میں مثالی ہوگا۔
بی آر ایس حکومت نے 7000 کروڑ میں لاکھوں کروڑوں روپئے مالیت کی آؤٹر رنگ روڈ کو فروخت کردیا۔وزیر اعلیٰ ریونت ریڈی نے لگا یاالزام
وزیراعظم مودی کی صدارت میں نیتی آیوگ کی میٹنگ جاری، انڈیا الائنس نے کیا بائیکاٹ
بہار: محرم۔۔۔ ہندو مسلم بھائی چارے کی مثال
وزیراعظم مودی سے ٹی 20 ورلڈ کپ جیتنے والی ٹیم انڈیا کی ملاقات
ریونت ریڈی نے پی ایم مودی سے سنگارینی کے لیے کوئلے کی تین کانوں کو منظوری دینے اور آئی ٹی آئی آر کو بحال کرنے کی اپیل کی