جدہ ۱۹ جولائی۔(ایجنسیز)۔حرمین شریفین انتظامیہ نے یوم عرفہ کا خطبہ 5 زبانوں میں ترجمہ کرنے کا فیصلہ کیا ہے۔ذرائع کے مطابق اردو کے بشمول انگریزی، فرانسیسی، انڈونیشی اور فارسی زبانوں میں خطبہ کا ترجمہ کیا جائے گا۔انتظامیہ نے کہا ہے کہ ’حرمین شریفین انتظامیہ دین کا صحیح فہم دنیا کو پہنچانے کے لیے حرمین شریفین کے خطبات کا ترجمہ کرواتی ہے، اس سال یوم عرفہ کے خطبہ کا پیغام بھی دنیا بھر میں پہنچایا جائے گا‘۔’مختلف زبانوں میں خطبہ سننے یا پڑھنے کے لیے انتظامیہ کی ویب سائٹ کے علاوہ مختلف ایپلی کیشن سے رجوع کیا جا سکتا ہے‘۔واضح رہے کہ اس سے خطبہ یوم عرفہ کا مختلف زبانوں میں ترجمہ ہوتا رہا ہے۔ اس مقصد کے لیے حرمین انتظامیہ نے جدید سہولتوں سے آراستہ ادارہ قائم کر رکھا ہے جو حرمین کے خطبات سمیت یوم عرفہ کے خطبہ کا ترجمہ کرتا ہے۔
