حیدرآباد ، 16 اپریل (پی ایم آئی) میونسپل انتظامیہ اور شہری ترقیاتی وزیر کے ٹی راما راؤ نے جمعرات کے روز جی ایچ ایم سی کمشنر ڈی ایس لوکیش کے ہمراہ خیریت آباد ،ملےّ پلی اور وجیان نگر علاقوں میں کنٹینمنٹ کا معائنہ کیا اور رہائشیوں سے سرکاری مشینری میں تعاون کرنے کی اپیل کی۔
اس دورے کے دوران ، انہوں نے COVID 19 پر قابو پانے کے لئے شہری ادارہ کی جانب سے اٹھائے جانے والے اقدامات کا گہرائی سے مشاہدہ کیا۔ ہر علاقے میں ضروری سامان کی فراہمی کے بارے میں پوچھ گچھ کرتے ہوئے ، انہوں نے انہیں یقین دہانی بھی کرائی کہ حکومت بغیر کسی رکاوٹ کے ضروری سامان کی فراہمی کو یقینی بنائے گی۔
جی ایچ ایم سی کمشنر نے کنٹینمنٹ زون کے رہائشیوں کو ضروری سامان کی فراہمی کے لئے ان کے طریقہ کار کی وضاحت کی۔ مکینوں کے ساتھ بات چیت میں ، انہوں نے انہیں بتایا کہ کورونا وائرس کے بارے میں فکر کرنے کی کوئی بات نہیں ہے اور انہوں نے مزید کہا کہ وہ اشیائے ضروریہ کے ذخیرے کو یقینی بنارہے ہیں۔ انہوں نے مکینوں کو گھروں میں رہنے اور ریاستی حکومت کے ساتھ تعاون کرنے کی اپیل کی۔ شہری ادارہ نے شہر میں 123 علاقوں کو کنٹینٹ زون کے طور پر اعلان کیا ہے۔ (پی ایم آئی)
