مدھیہ پردیش کے وزیراعلیٰ کمل ناتھ نے آج اپنے عہدے سے استعفیٰ دے دیا ہے۔ انھوںنے اپنے استعفے کا اعلان بھوپال میں وزیراعلیٰ کی رہائش گاہ پر منعقدہ ایک پریس کانفرنس میں کیا۔ کمل ناتھ اب سے کچھ دیر بعد راج بھون جائیں گے اور اپنا استعفیٰ گورنر لال جی ٹنڈن کو سونپ دیں گے۔ سپریم کورٹ کی ہدایت ہر کمل ناتھ کو آج دو بجے اسمبلی میں اپنی اکثریت ثابت کرنی تھی۔ ریاست میں کانگریس سرکار اُس وقت سے گرنے کے دہانے پر تھی جب جیوترادتیہ سندھیا کے وفادار 22 ارکان اسمبلی نے پچھلے ہفتے استعفیٰ دے دیا تھا۔ جیوترادتیہ سندھیا نے کانگریس سے استعفیٰ دے دیا تھا۔
