ممبئی، 11 جون — مہاراشٹر میں 9 سے 10 گھنٹے کے طویل انتظار کے بعد سنیچر کی صبح راجیہ سبھا انتخابات کے نتائج کا اعلان کیا گیا، جس میں مہا وکاس اگھاڑی کے تین اور بھارتیہ جنتا پارٹی کے تین تین امیدوار میدان کی جیت ہوئی۔
بی جے پی نے ریاست میں دھننجے مہادک کی شکل میں چھٹا امیدوار کھڑا کیا تھا، جو جیتنے میں کامیاب رہا۔ ان کی (مسٹر مہادک) کی جیت نے مہاوکاس اتحاد بالخصوص شیوسینا کو بڑا دھچکا پہنچایا ہے۔ انتخابی نتائج سے یہ واضح ہے کہ بی جے پی کے تیسرے امیدوار مہادک کو مہا وکاس اگھاڑی کے کچھ ممبران نے ووٹ دیا تھا جس کی وجہ سے وہ شیوسینا کے امیدوار کو شکست دینے میں کامیاب ہو رہے۔
واضح رہے کہ ریاست میں بی جے پی کے 106 ایم ایل اے ہیں اور اسے سات آزاد ایم ایل ایز کی حمایت حاصل ہے۔ بی جے پی امیدوار پیوش گوئل کو 48 ووٹ ملے اور مسٹر انل بونڈے کو بھی ریاست میں 48 ووٹ ملے۔ اب بی جے پی کے پاس 17 ووٹ باقی رہ گئے تھے اور مسٹر مہادک کی جیت کے لیے 27 ووٹ درکار تھے۔ مسٹر مہادک نے 41 ووٹ حاصل کرکے جیت حاصل کی جبکہ شیوسینا کے سنجے پوار کو 33 ووٹ ملے اور وہ الیکشن ہار گئے۔
مہاراشٹر میں مسٹر پیوش گوئل اور مسٹر انل بونڈے کو 48-48 ووٹ ملے۔ وہیں مسٹر عمران پرتاپ گڑھی کو 44 ، مسٹر پرفل پٹیل کو 43، مسٹر سنجے راوت اور مسٹر دھننجے مہادک کو 41 ووٹ ملے، جب کہ شیوسینا کے امیدوار سنجے پوار کو 33 ووٹ ملے۔
