نئی دہلی 10ڈسمبر(پی ایم آئی)لوک سبھا میں اپوزیشن لیڈر راہل گاندھی کی صدارت میں آج کو یہاں کانگریس پارلیمانی بورڈ کا ایک اہم اجلاس منعقد ہوا جس میںحکومت کو گھیرنے کے لیے مختلف مسائل پر تبادلہ خیال کیا گیا۔
اجلاس میں زیر بحث مسائل کے حوالے سے حکومت پر دباؤ بنانے کی حکمت عملی پر گہرائی سے تبادلہ خیال کیا گیا جس میں مختلف قائدین نے اپنی تجاویز پیش کیں۔
اجلاس کے بعد، مسٹرگاندھی کی قیادت میں پارٹی کے اراکین پارلیمنٹ نے پارلیمنٹ ہاؤس کے مکر دوار کی طرف مارچ کیا اور حکومت سے بدعنوانی کو شہ دینے اور پارلیمنٹ میں من مانی نہ کرنے کو لے کر نعرہ بازی کی۔
اس دوران کئی قائدین نے اپنے ہاتھوں میں بینر بھی اٹھا رکھے تھے۔ مارچ کے بعد تمام ارکان پارلیمنٹ کی کارروائی میں حصہ لینے کے لیے ایوان کی طرف روانہ ہوئے۔(PMI)
