جے پور، 22 نومبر (پی یم آئی) وزیر اعظم نریندر مودی نے آج زور دے کر کہا کہ ان کی ضمانت کانگریس کے تمام “جھوٹے وعدوں” سے زیادہ ہے، اور راجستھان کے لوگوں سے کہا کہ وہ ریاست کو ظلم اور بدعنوانی سے آزاد کرنے کے لیے اشوک گہلوت حکومت کا صفایا کریں۔انہوں نے کہا کہ مودی کی گارنٹی وہیں سے شروع ہوتی ہے جہاں سے کانگریس سے غریبوں اور عوام کی فلاح کی امید ختم ہوتی ہے۔ڈنگر پور ضلع میں ایک جلسہ عام سے خطاب کرتے ہوئے انہوں نے کہا کہ جمہوریت نے راجستھان کے لوگوں کو کانگریس حکومت کی بدانتظامی کو ختم کرنے کا موقع دیا ہے اور انہیں یہ موقع ہاتھ سے جانے نہیں دینا چاہئے۔
