بدنام زمانہ عادی سارق محمد خواجہ معین الدین گرفتار

حیدرآباد۔/29 ڈسمبر، ( پی ایم آئی) سائبر آباد پولیس نے ایک بدنام زمانہ عادی سارق کو گرفتار کرلیا ۔ اسکے قبضہ سے 15 تولہ طلائی زیورات اور ایک موٹر سیکل ضبط کرلیا ۔ کمشنر پولیس سائبرآباد مسٹر وی سی سجنار نے بتایا کہ 27 سالہ محمد خواجہ معین الدین ساکن کشن باغ بہادر پورہ کو گرفتار کرلیا گیا جو سابق میں 17مقدمات میں ملوث ہے۔ سال 2010 سے اس نے اپنی مجرمانہ سرگرمیوں کا آغازکیا جوایک چکن شاپ میں کام کرتا ہے۔ کمشنر پولیس نے بتایا کہ اس کی مجرمانہ سرگرمیوں اور مجرمانہ ریکارڈ کو دیکھتے ہوئے اس کیخلاف پی ڈی ایکٹ کو نافذ کیا جائیگا۔