صحت کی مرکزی وزارت نے کہا ہے کہ گزشتہ 20 دن سے بھارت میں کووڈ-19 کے زیر علاج مریضوں کی تعداد میں مسلسل کمی ہو رہی ہے جبکہ اس بیماری سے شفایاب ہونے والوں کی تعداد میں مزید اضافہ ہو رہا ہے۔ میڈیا سے خطاب کرتے ہوئے صحت کی وزارت میں جوائنٹ سکریٹری لَواگروال نے کہا کہ زیر علاج مریضوں کی تعداد 17 اعشاریہ ایک تین فیصد کی سطح سے کم ہوکر 11 اعشاریہ ایک دو فیصد پر آگئی ہے اور شفایابی کی شرح بہتر ہوکر 87 اعشاریہ سات چھ فیصد ہوگئی ہے جبکہ 3 مئی کو شفایابی کی شرح 81 اعشاریہ سات فیصد تھی۔انھوں نے کہا کہ اب تک دو کروڑ 30 لاکھ سے زیادہ افراد اس بیماری سے صحت یاب ہوچکے ہیں۔صحت کی وزارت نے کہا کہ گزشتہ چوبیس گھنٹے میں ملک بھر میں دو لاکھ 57 ہزار سے زیادہ نئے معاملے سامنے آئے ہیں۔ جناب اگروال نے کہا کہ گزشتہ 9 دن سے صحت یاب ہونے والے کیسوں کی تعداد، درحقیقت زیر علاج مریضوں سے زیادہ ہی درج کی جارہی ہے جو کہ ایک بہت ہی مثبت رجحان ہے۔ انھوں نے کہا کہ ملک میں ایسی 22 ریاستیں ہیں جہاں یومیہ سامنے آنے والے کیسوں سے صحت یاب ہوجانے والے کیسوں کی تعداد زیادہ ہے۔جناب اگروال نے کہا کہ بنیادی سطح پر بیماری پر قابو پانے کی مسلسل کوششوں کی بدولت طبی جانچ کے بعد وائرس سے متاثر ہونے والوں کی تعداد میں کمی ہوئی ہے۔انھوں نے یہ بھی بتایا کہ فنگل کے علاج کی دوا Amphotericin-B کی سپلائی اور دستیابی میں اضافہ کرنے کی غرض سے اقدامات کئے گئے ہیں اور ملک میں مزید پانچ مینوفیکچررس کو اس دوا کو تیار کرنے کے لائسنس جاری کئے گئے ہیں۔
بی آر ایس حکومت نے 7000 کروڑ میں لاکھوں کروڑوں روپئے مالیت کی آؤٹر رنگ روڈ کو فروخت کردیا۔وزیر اعلیٰ ریونت ریڈی نے لگا یاالزام
وزیراعظم مودی کی صدارت میں نیتی آیوگ کی میٹنگ جاری، انڈیا الائنس نے کیا بائیکاٹ
بہار: محرم۔۔۔ ہندو مسلم بھائی چارے کی مثال
وزیراعظم مودی سے ٹی 20 ورلڈ کپ جیتنے والی ٹیم انڈیا کی ملاقات
ریونت ریڈی نے پی ایم مودی سے سنگارینی کے لیے کوئلے کی تین کانوں کو منظوری دینے اور آئی ٹی آئی آر کو بحال کرنے کی اپیل کی