50

پنچایت انتخابات میں اساتذہ کی موت ، پرینکا گاندھی کی یو گی حکومت پر تنقید

لکھنو: اترپردیش میں پنچایت انتخابات کے دوران 577 اساتذہ کی موت ہوگئی ہے۔ یہ دعویٰ ریاستی اساتذہ آرگنائزیشن نے کیاہے۔ اس کے بعدکانگریس کی جنرل سکریٹری پرینکاگاندھی نے ٹویٹ کیا ہے کہ یہ خبریں بہت خوفناک ہیں۔ انہوں نے ٹویٹ میں لکھاہے کہ یوپی پنچایت انتخابات میں ڈیوٹی میں مصروف تقریباََ500 اساتذہ کی ہلاکت کی خبر افسوسناک اورخوفناک ہے۔انتخابی ڈیوٹی کرنے والوں کے سیکیورٹی انتظامات ناقص تھے پھرانہیں کیوں بھیجا؟ میں تمام اساتذہ کے اہل خانہ کو 50 لاکھ روپے معاوضہ اور ملازمتوں کے مطالبے کی بھر پور حمایت کرتی ہوں۔اترپردیش میں تین درجے کے پنچایت انتخابات کورونا مدت کے وسط میں شروع ہوئے۔اس صورتحال کی وجہ سے ، پنچایت انتخابات کی ڈیوٹی گننے میں مصروف ملازمین خوفزدہ ہوگئے ہیں۔

اس خبر پر اپنی رائے کا اظہار کریں

اپنا تبصرہ بھیجیں