134

سوشیل میڈیا پوسٹس پر پولیس کی قریبی نظر: کمشنر پولیس انجنی کمار

حیدرآباد۔ بنگلور میں پیش آئے فرقہ وارانہ فسادات کے پیش نظر پولیس کمشنر انجنی کمار نے سٹی پولیس کے تمام عہدداروں کا ویڈیو کانفرنس اجلاس منعقد کیا۔ اجلاس میں لا اینڈ آرڈر کی صورتحال کا جائزہ لیا گیا۔ انجنی کمار نے ہدایت دی کہ بنگلور واقعہ کے پیش نظر سوشیل میڈیا پر مسلسل نظر رکھی جائے اوراہم اطلاع فوری اعلیٰ عہدیداروں کو دی جائے۔ کمشنر نے ہدایت دی کہ کسی قسم کی نا گہانی صورتحال میں جائے حادثہ پر اندرون دس منٹ پہنچے اور اعلیٰ حکام کو بھی وہاں پہنچنا چاہیے۔ 24 گھنٹے ہر پولیس اسٹیشن کے انسپکٹر اور دیگر عہدیداروںکا موجود ہونا لازم ہے۔کمشنر نے کہا کہ فرقہ وارانہ واقعات کو ہر گز برداشت نہیں کیا جائے گا۔ بنگلور واقعہ کے ضمن میںڈی جی پی مہندر ریڈی نے آج کہا کہ تلنگانہ پولیس ہر سوشیل میڈیا پوسٹ پر نظر رکھے ہوئے ہے۔ انہوں نے کہاکہ بنگلور میں سوشیل میڈیا پر شر پسند عناصر قابل اعتراض پوسٹ کی وجہ سے حالات بگڑگئے تھے اور یہاں شر پسندی کو بالکل برداشت نہیں کیا جائے گا

اس خبر پر اپنی رائے کا اظہار کریں

اپنا تبصرہ بھیجیں